Сам пажар адбыўся ў абедзены час у чацьвер чацьвертага чысла. У двухкватэрным доме барачнага тыпу вагонь узнік у адной з кватэраў. У другой кватэры ў гэты час нікога не было, таму з суседзяў ніхто і не пацярпеў. А вось у кватэры ў якой пажар і распачаўся ратавальнікі знайшлі мужчыну. Пенсіянер 1954 года нараджэння, напэўна, спаў калі ўзнік пажар, бо наглытаўся дыму. Прынамсі пажарныя яго вынеслі яшчэ жывым, але ў непрытомным стане. Медыкі дапамагчы ўжо нічым не змаглі. Мужчына памёр. Хутчэй за ўсё пажар узнік з-за таго, што загінулы заснуў з цыгарэтай.
