Рэгіён, Здарэнні

Аварыя прынесла смерць

24.05.2015 13:19

6591 прагляд, 7 каментароў

Навучэнка медычнага коледжу загінула ў аварыі на павароце на Коханава

Раней мы ўжо пісалі пра аварыю якая адбылася на павароце з трасы Р 76 у бок Коханава 22 мая. Нагадаем, вечарам 21 мая над Оршай прайшоў вялікі і нечаканы дождж, якія прывёў да праблемаў з бачнасцю на дарозе і, адпаведна, да аварыяў. Але і пасля дажджа сітуацыя на дарогах была небяспечная. Раніцай і над Оршай і над раёнам быў густы туман, які таксама абмяжоўваў бачнасць. У такі плотны туман з Балбасава ў Оршу выехалі двое маладых людзей. На названым павароце іх аўтамабіль сутыкнуўся з каўшом трактара-пагрузчыка Амкадор. Дзяўчына якой яшчэ не было 18-ці, навучэнка медычнага коледжу, жыхарка Балбасава загінула на месцы. Кіроўца з вельмі сур'ёзнымі траўмамі дастаўлены ў бальніцу і, па словах знаёмых, і зараз знаходзіцца ў бальніцы.