Абласное ўпраўленне ўнутраных спраў паведамляе пра два здарэнні ў Аршанскім раёне за 2 чэрвеня. У ноч з 1 на 2 чэрвеня невядомы злачынца ў Оршы падабраў ключ ад чужога аўтамабіля Фольксваген-Джэта, які быў прыпаркаваны каля дома гаспадара. З аўтамабіля быў скрадзены набор слясарнага рыштунку на суму ў 700.000 рублёў. Злачынца не знойдзены.
Вечарам 2 чэрвеня на трасе М1 быў затрыманы аўтамабіль Хундай пад кіраваннем жыхара Брэсцкай вобласці. У аўтамабіле знойдзена 320 бутэлек гарэлкі расійскай вытворчасці без беларускіх акцызных марак. Алкаголь на суму 22,4 мільёны канфіскаваны.
