Адзін з выпадкаў крадзяжу адбыўся ў Талачынскім раёне. 57-гадовы мужчына на ноч з 15-га на 16-е верасня забыўся зачыніць сарай які знаходзіцца ў двары ягонага дому чым скарыстаўся злачынца. Не вядомы да гэтае пары злодзей ноччу прабраўся ў двор гаспадара і з сараю вывеў каня, кошт якога міліцыянтамі ацэнены ў 30 мільёнаў рублёў.
Раніцай 16 верасня крадзёж з незачыненага дому адбыўся ў суседнім з Аршанскім Лёзненскім раёне. Пенсіянерка 1937 года нараджэння адыйшла ад свайго дому ўсяго на 10 хвілін і не зачыніла дзверы - адсутнічала прыблізна з 9-50 да 10 гадзін. За гэты кароткі час невядомыя вынеслі з дому 2.000.000 рублёў. Міліцыя падазрае ў крадзяжы трох жыхарак Віцебску: 1964, 1981 і 1995 гадоў нараджэння. Найбольш маладая жанчына з гэтай кампаніі - 20-гадовая - раней ужо была судзімая за крадзёж.
Вечарам таго ж дня ахвярай лёгкай нажывы ў Аршанскім раёне стаў кіроўца аўтамабіля "Пежо-Боксер". Ён не зачыніў дзверы і з аўтамабіля было скрадзена 495.000 і мабільны тэлефон Нокіа.
Паводле зводкі абластнога УУС
