Папярэднія тры гульні маладога праекту “Бітва розумаў” адбыліся ў спорт-бары “Ліга” і галоўным прызам была вялікая бутэлька шампанскага. У суботу, 24-га верасня, каманды ўпершыню сустрэнуцца ў незвычайным месцы – на турбазе “Орша”. Сама гульня прызначана на 17:30, але пры гэтым удзельнікі могуць прыбыць на Зону адпачынку ўжо а 13:00, каб паесці шашлыкоў, паразмаўляць, пагуляць і нават наведаць вяровачны парк “Форт-Баярд”. Кошт гульні нязменны – 5 рублёў, а вось месца, такім чынам, зменена.
Цікавы і галоўны прыз суботняй сустрэчы – каманда пераможцаў атрымае права на бясплатнае наведванне лазні з басейнам. Рэгістрацыя пачнецца апоўдні 22-га верасня і скончыцца апоўдні дня самой гульні. Усе падрабязнасці змешчаны ў суполцы гульні ў сацыяльнай сетцы “УКантакце”. Пры рэгістрацыі ад каманды патрабуецца толькі пазначыць назву каманды і назваць колькасць гульцоў.