З 1 траўня па 31 кастрычніка 2024 года ў перыяд сезонных сельскагаспадарчых работ для грамадзян, якія дасягнулі агульнаўстаноўленага пенсійнага ўзросту, будзе дзейнічаць зніжка 50% ад цаны праезду ў цягніках рэгіянальных ліній эканом-класу, паведамляе Беларуская чыгунка.
Для набыцця праязнога дакумента (білета) са зніжкай неабходна прад’явіць арыгінал пенсійнага пасведчання. Таксама яго трэба мець пры сабе падчас паездкі.
Звяртаем увагу, што прадастаўленне гэтай ільготы не прадугледжваецца пры праездзе ў цягніках рэгіянальных ліній бізнэс-класу і міжрэгіянальных ліній (з нумараванымі месцамі), а таксама пры праездзе ў цягніках гарадскіх ліній.
Ільготныя праязныя дакументы пенсіянеры па ўзросце могуць аформіць у білетных касах, а таксама на інтэрнэт-сайце pass.rw.by з дапамогай мабільнага дадатку «БЧ. Мой цягнік» і праз тэрміналы самаабслугоўвання.
Таксама з 1 траўня ў Беларусі павысяць кошт праезду ў гарадскіх і рэгіянальных цягніках, а таксама на перавозку багажу.
