Трэці клас пажарнай небяспекі цяпер дзейнічае амаль па ўсёй Віцебскай вобласці. Выключэнне – далёкі ад нас Расонкі раён. Гэта значыць, што сярэдняя рызыка ўзгарання ёсць у нашым рэгіёне ў Аршанскім, Дубровенскім, Сенненскім, Талачынскім і Лёзненскім раёнах. У суседніх Шклоўскім, Горацкім і Круглянскім пакуль спакойна.
Гэта звесткі інтэрактыўнай карты, якую штодня абнаўляе Мінлясгас. Як бачыце, сітуацыя змяняецца даволі хутка. Яшчэ ўчора амаль уся тэрыторыя Беларусі была зялёная, а сёння небяспечных месцаў стала значна больш.
Пры ўведзеных абмежаваннях у лес можна заходзіць на прагулкі, збіраць грыбы ці ягады. Аднак заязджаць на тэрыторыю лесу на машыне нельга, таксама забаронена распальваць вогнішчы – такое тлумачэнне раней публікаваў Мінлясгас. За парушэнне – штраф.
