5 красавіка ў матчы другога туру першынства Беларусі ў І лізе футбольны клуб «Ворша» замест паядынку дома будзе гуляць у гасцях. Відаць па ўсім, дырэкцыя каманды лічыць поле на Гарадскім стадыёне яшчэ не гатовым да афіцыйных гульняў. Таму, паводле згоды бакоў, сустрэча з «Мінскам-ІІ» пройдзе ў сталіцы, а не ў Воршы. А ўжо гульня другога кола пройдзе ў нашым горадзе замест сталіцы.
Паядынак прыме адносна новы стадыён на Маякоўскага ў сталічным раёне Лошыца. На ім «Ворша» яшчэ ніколі ў афіцыйных турнірах не гуляла.
Затое з другой камандай «Мінску» нашы землякі ўжо сустракаліся. Упершыню блакітна-чорныя сустрэліся з імі ў 2007 годзе, агулам жа правялі супраць гэтай каманды 6 сустрэчаў, у дзвюх перамаглі, у трох прагулялі. Падрабязней пра статыстыку і розныя назіранні, у тым ліку пра тое, ці быў у каманды горшы першы тур за той, які адбыўся ў 2025-м годзе, напісаў дзённік «Радыё Аршыца».
Сустрэча «Мінск-ІІ» — «Ворша» адбудзецца ў суботу, 5 красавіка, пачатак, а 14-й гадзіне.
