Сёлета 22 сакавіка супрацоўнікі Лёзненскага РАУС устанавілі, што жыхарка вёска Браткова ў сацыяльных сетках была падпісана на 10 інтэрнэт- рэсурсаў, уключаных у Рэспубліканскі спіс экстрэмісцкіх матэрыялаў. Суддзя суду Лёзненскага раёна Аляксей Лапушынскі пакараў яе арыштам на 10 сутак паводле ч.2 арт. 19.11 КаАП.

На дадзены момант у “экстрэмісцкі спіс”, размешчаны на сайце Міністэрства інфармацыі, займае 1 578 старонак. У тым ліку туды ўключаны і інтэрнэт-рэсурсы orsha.eu. Таму нашым чытачам у Беларусі варта памятаць, што падпіскі на іх патэнцыйна небяспечныя. Але чытаць навіны пра наш рэгіён можна і без падпісак - на нашым сайце, Telegram-канале, старонцы ў Instagram. Таксама, не падпісваючыся, можна глядзець наш Youtube-канал.

“Экстрэмісцкі спіс” штотыдзень папаўняецца ўсё новымі назвамі: туды трапляюць як інфармацыйныя выданні, так і прыватныя старонкі інтэрнэт- карыстальнікаў. Іх адсочваюць рэгіянальныя пракуратуры і перадаюць пазовы ў суд. На падставе гэтага рэсурсы прызнаюцца “экстрэмісцкай інфармацыйнай прадукцыяй”.

Але найчасцей пад увагу міліцыі за “распаўсюд экстрэмісцкіх матэрыялаў” трапляюць тыя, хто меў даўнія падпіскі на сродкі масавай інфармацыі, якія да падзеяў 2020 года лічыліся цалкам нармальнымі, і ў якіх нават можна знайсці інтэрв’ю з высокімі дзяржаўнымі службоўцамі.