Аварыя адбылася прыкладна а 8: 15 каля дома №7 па вуліцы Азгура. Кіроўца скутэра Hors ехаў па галоўнай дарозе і сутыкнуўся з аўтамабілем Volkswagen. Кіроўца аўтамабіля 1980 года нараджэння не даў перавагу ў руху транспартнаму сродку, як гэтага патрабуюць ПДР. Кіроўца Volkswagen не пацярпеў, другі мужчына шпіталізаваны.
Па факце ДТЗ праводзіцца праверка.
Пачатак цёплага сезона традыцыйна азначаецца тым, што на дарогі выязджае велізарная колькасць матацыклістаў, веласіпедыстаў, вадзіцеляў мапедаў і скутэраў. Шэраг падобных аварый адбываецца па віне аўтамабілістаў з-за таго, што яны не глядзяць у люстэрка задняга выгляду, здзяйсняючы манеўры, або часцяком "не заўважаюць" двухколавай тэхнікі, грэбуючы правіламі дарожнага руху.
У сувязі з гэтым аўтамабілістам варта быць асабліва ўважлівымі: памылкі ў кіраванні чатырохколавым транспартам могуць прывесці да трагічных наступстваў , бо чалавек на матацыкле або скутэры ў меншай ступені абаронены, чым кіроўца, якога можа зберагчы ад траўмаў корпус аўтамабіля.
