Пажар адбыўся ў вёсцы Заазер’е Багданаўскага сельсавета. Калі ратавальнікі Сенненскага РАНС прыбылі на месца, дом ужо гарэў адкрытым полымем. На шчасце, яго насельнікі не пацярпелі. Але жыць ім ужо няма дзе: у выніку пажару ў доме знішчаны дах, столевае перакрыцце, пашкоджаныя сцены, маёмасць.
Прычыны пажару высвятляюцца. Галоўная версія — кароткае замыканне кварцавага абагравальніка.
Парушэнне правілаў эксплуатацыі электрасетак і электраабсталявання, мабыць, адна з найбольш частых прычын узгаранняў. Супрацоўнікі раённай структуры МНС перыядычна праводзяць прафілактычныя гутаркі з насельніцтвам, у тым ліку і аб неабходнасці правяраць спраўнасць электрапрыбораў. Аднак такая прафілактыка не заўсёды з’яўляецца дзейснай папераджальнай мерай.
