На пачатку выйшаў запіс блогу Кастуся Заблоцкага, адмыслоўцы ў савецкай гісторыі, пра Сяргея Кірава, 90-годдзе забойства якога адзначалася ў той дзень. Помнік Кіраву стаіць у Воршы. Дык хто ж ён такі?

На Лёзненшчыне адзначылі юбілей славутага пісьменніка — 125-годдзе Міхася Лынькова.

З’явіўся ўнікальны сайт пра беларускае манументальнае мастацтва, а з ім і прыклады з Аршаншчыны і Гораччыны.

404 гады таму Орша атрымала Магдэбурскае права. Ну і як не зняць пра гэта відэа, ды з цікавосткамі, што ж там было.

Імя Данілы Васілеўскага вядомае вузкаму колу аршанцаў, але ягоныя заслугі перад нашым рэгіёнам велізарныя. Гэта быў чалавек адраджэння, як і многія прыхільнікі Беларушчыны таго часу, ён займаўмя адначасова шмат чым: выкладаў, папулярызаваў, вывучаў, рабіў адкрыцці. Менавіта як даследчык Аршаншчыны ён і праславіўся.

Выхад «Чорнага замку» на экраны выклікаў дыскусію.

Наступны ролік — пра веліч Тамаша Зана, бунтаўніка, паэта, пахаванага ў Смалянах. Пра гэтага славутага беларуса ведаюць занадта мала.

Таксама ў снежні мы параўналі фотаздымкі, зробленыя ў Дуброўне з розніцай у сто гадоў.

Аршанцы наведалі знакавы для беларусаў касцёл — месца нашай зямлячкі Цэліны Бажэнцкай у самым Рыме.

Вядома, вы глядзелі фільм «Карнавальная ночь», магчыма нават глядзелі фільм «Дайте жалобную книгу». Хутчэй за ўсё вы чулі савецкі і расейскі нефармальны гімн танкавых войскаў. Пра іх мы і гаворым у краязнаўчым роліку. Але ж пры чым тут Ворша? Узаемасувязь самая прамая і непасрэдная! Аўтар гэтых твораў славуты аршанец Барыс Ласкін!