Стваральнікі базуюцца на мапе, на якую дадаюць усё новыя пункты. Сайт дазваляе захаваць і сістэматызаваць узоры савецкіх вітражоў, мазаік, сграфіта, якія ўпрыгожваюць фасады і інтэр’еры будынкаў па ўсёй Беларусі. Зараз на платформе ўжо сабрана 336 аб’ектаў з розных рэгіёнаў краіны.

Па словах аўтараў праекта, рэсурс будзе пастаянна развівацца. Карта будзе дапаўняцца новымі тэкстамі і фатаграфіямі, а ў перспектыве пляцоўка ператворыцца ў паўнавартасны інфармацыйны рэсурс з інтэрв’ю, архіўнымі матэрыяламі і падрабязнымі апісаннямі. Ёсць і страчаныя аб’екты, у свой час зафіксаваныя на фотаздымках.

На дадзены момант карыстальнікі могуць абіраць розныя параметры для пошуку аб’ектаў: «стан», «даступнасць», «тэхніка выканання» ці «асноўныя працы» і шмат іншых. Таксама рыхтуюцца маршруты для вандровак, што дазволіць лепш вывучыць манументальнае мастацтва Беларусі.

Са стваральнікамі старонкі можна звязвацца, напрыклад, праз суполку ў фэйсбуку ці праз электронную пошту [email protected].

Сярод пунктаў, якія ўжо ёсць на старонцы, ёсць і тры пункты на Аршаншчыне. Два ў самой Воршы, адзін у Леніне на Гораччыне.

У Воршы гэта сталоўка Мясакамбінату ды Ільнокамбінат. А на Гораччыне Музей савецка-польскай баявой садружнасці ў Леніне.

Унікальная сталоўка мясакамбінату — якраз прыклад страчанай спадчыны, той узор манументальнага маствацтва, які ў ёй быў, цяпер не існуе.

На Ільнокамбінаце ў спісе наступныя аб’екты. Яны ў здавальняючым стане.

У Леніне таксама стан задавальняючы, усё гэта можна ўбачыць на ўласныя вочы.