Двое шасцікласнікаў сярэдняй школы імя М. Акцябрскай,ужываючы "моцныя словы" высвятлялі адносіны, не саромеючыся ні аднакласнікаў, ні дарослых. Апошнія цярпець гэтага не сталі.

17 сакавіка ў раённую камісію па справах непаўналетніх паступілі дзве заявы, дзе гаварылася, што навучэнцы 6-х класаў, знаходзячыся ў сваёй школе, груба лаяліся нецэнзурнай лаянкай.Школьнікі і іх бацькі выкліканыя на чарговае пасяджэнне ІСН.

Бацькам, паколькі іх дзеці не дасягнулі ўзросту адміністрацыйнай адказнасці, пагражаюць штрафы. І не толькі за хуліганства - будуць вывучаны ўмовы пражывання малалетніх парушальнікаў грамадскага парадку і фактары, якія маглі прывесці да інцыдэнту.Бацькоў могуць пакараць і за неналежнае выхаванне сваіх дзяцей.

Пагадзіцеся, нецэнзурную лаянку з вуснаў падлеткаў у грамадскіх месцах можна пачуць часта. Але надзвычай рэдка такія выпадкі становяцца прадметам сур'ёзнага разбіральніцтва. Лёзненская сярэдняя школа імя М. Акцябрскай тут, хутчэй, выключэнне. І недарма. Пільная ўвага на працэс выхавання ў ёй была звернута пасля таго, як у СМІ распавялі пра выпадак жорсткага абыходжання з сабакам з боку навучэнца гэтай школы - хлопчык здзекаваўся са свайго хатняга гадаванца. Цяпер за атмасферай ва ўстанове адукацыі ўважліва назірае раённае начальства, і настаўнікі імкнуцца апярэдзіць магчымыя непрыемнасці.