Пракуратурай Талачынскага раёна па матэрыялах УБЭП УУС Віцебшчыны ўзбуджаная крымінальная справа за перавышэнне ўлады або службовых паўнамоцтваў.
Схема, якую ўжываў абвінавачаны, была простая. Калі ў падпарадкаваным яму сельгаспрадпрыемстве з-за неналежных умоваў утрымання паміралі бычкі і каровы , па ўказанні дырэктара складаліся акты аб забоі жывёлы і продажы туш мясцоваму жыхару.
Прычым падобная схема выкарыстоўвалася неаднаразова і не толькі на Талачыншчыне, а практычна ва ўсіх рэгіёнах краіны, паведаміў тэлеграм-канал «МУС Беларусі». Па словах намесніка міністра ўнутраных спраў — начальніка крымінальнай міліцыі Генадзя Казакевіча, супрацоўнікамі МУС толькі ў гэтым годзе ўзбуджана 66 крымінальных спраў за ўтойванне падзяжоў, крадзяжах і хабарніцтве.
У прыватнасці, пракуратурай Віцебскай вобласці ўзбуджана крымінальная справа супраць ветэрынарнага ўрача аднаго з мясаперапрацоўчых прадпрыемстваў. Ён сістэматычна атрымліваў хабар ад прадстаўнікоў сельгасарганізацый Гарадоцкага, Сенненскага, Лёзненскага, Шумілінскага і Віцебскага раёнаў за прыёмку мяса буйной рагатай жывёлы з парушэннямі ветэрынарна-санітарных правілаў. Устаноўлены сотні пераводаў грашовых сродкаў на яго рахункі на суму не менш за 26 тысяч рублёў.
