На спецыяльнай інтэрактыўнай карце Мінлясгаса Аршанскі і Дубровенскі раёны сталі жоўтымі. Гэта азначае, што на іх тэрыторыі ўвялі абмежаванні на наведванне лясоў.
Там – трэці клас пажарнай небяспекі, гэта значыць сярэдняя рызыка ўзгарання.
Пры абмежаванні заходзіць у лес можна для прагулкі, збору грыбоў ці ягад. Заязджаць на тэрыторыю лесу на машыне нельга, таксама забаронена распальваць вогнішчы – такое тлумачэнне раней публікаваў Мінлясгас. За парушэнне – штраф.
Карта Мінлясгаса абнаўляецца штодня, таму не выключана, што заўтра сітуацыя можа змяніцца ў любы бок.
