Orsha.eu сабраў дадзеныя аб колькасці жыхароў за 2020, 2024 і 2025 гады ў трох бліжэйшых да нас раёнах Магілёўшчыны – Шклоўскім, Горацкім і Круглянскім.
Як бачна, хутчэй за ўсё змяншаўся Горацкі раён. І гэта пры тым, што Горкі – вельмі маладзёжны горад: там працуе Беларуская сельскагаспадарчая акадэмія, а таксама некаторыя паспяховыя прадпрыемствы, напрыклад, "Горацкі харчовы камбінат", які выпускае вядомы напой для здаровага ладу жыцця Exponenta.
За апошнюю пяцігодку гэтыя тры раёны Магілёўскай вобласці страцілі 6 419 чалавек. Гэта мінус 8% насельніцтва. Амаль палова ад гэтай лічбы прыпадае на Горацкі раён – мінус 3 092 чалавекі.
За 2024 год насельніцтва Магілёўскай вобласці скарацілася амаль на 10 тысяч, а ўсёй Беларусі – на 47 тысяч чалавек. Але гэтыя афіцыйныя дадзеныя, хутчэй за ўсё, не ўлічваюць вялікую колькасць людзей, якія пакінулі нашу краіну ў апошнія гады.
