Савет Міністраў 24 сакавіка прыняў рашэнне выдзеліць грошы для кампенсацыі часткі працэнтаў па крэдытах (ад 50% да 100% стаўкі рэфінансавання Нацбанка), якія ў 2025 годзе атрымаюць некаторыя прадпрыемствы Беларусі. Сярод іх, вядома ж, Аршанскі льнокамбінат. Ён, як пісаў Orsha.eu у лютым, ужо пачаў гэты год з датацый. Праўда, на гэты раз грошы носяць іншую назву – субсідыі.
Акрамя "льнухі", субсідыі атрымаюць яшчэ некалькі арганізацый з рэгіёна, пра які піша наш сайт: Лёзненская хлебная база, Горацкае раённае спажывецкае таварыства і Горацкі элеватар.
Усяго ў спісе 75 такіх атрымальнікаў.
Субсідыі ім будуць выдаваць штомесяц у 2025 і 2026 гадах. Яны распаўсюджваюцца на крэдыты, якія трацяцца на куплю пэўнай сельскагаспадарчай прадукцыі і транспартныя выдаткі.
