Паводле справаздачы за 2024 год, якая знаходзіцца ў адкрытым доступе, Аршанскі камбінат хлебапрадуктаў скончыў мінулы год з чыстымі стратамі больш за 24 млн рублёў.
Пры гэтым выручка прадпрыемства — грошы, якія яно зарабіла за год, — склала каля 69 млн рублёў. Нескладана падлічыць, што чыстыя страты — гэта амаль 35%, або больш за траціну, усёй выручкі.
Раней камбінат быў дастаткова паспяховым, але праблемы пачаліся пасля стварэння Гандлёвага дома «Орыс» і далучэння некалькіх стратных сельскагаспадарчых прадпрыемстваў, якія давялося фінансаваць. У выніку «Орыс» ужо збанкрутаваў.
