Гэты падатак плацяць мясцовыя жыхары за сваіх гадаванцаў ад трох месяцаў і старэйшых. Плаціць трэба раз на квартал — гэта значыць раз у тры месяцы.

Талачынскія дэпутаты вырашылі, што ў гэтым раёне падатак будзе такога памеру, як гэта пазначана ў Падатковым кодэксе, хоць яны мелі правы яго зменшыць, праўда, не больш як у 2 разы.

Таму стаўка атрымліваецца такая:

• 63 рублі — за сабак, уключаных у пералік патэнцыйна небяспечных парод;
• 13 — за ўсіх астатніх.

Да патэнцыйна небяспечных парод у Беларусі адносяцца: айну, акабаш, амерыканскі пітбультэр’ер, амерыканскі стафардшырскі тэр’ер, анаталійскі карабаш, англійскі мастыф, бельгійскі мастыф, бардоскі дог, бульмастыф, бультэр’ер, усходнееўрапейская аўчарка, горскі ганчак, грэцкая аўчарка, даберман Уладэка Рошыны, даберман-пінчар, ірландскі ваўкадаў, каўказская аўчарка, канарскі сабака (перо дэ прэса канарыё), кангал, капе-норса, кенгуровы сабака, карэльскі мядзведжы сабака, лангедокскі пастуховы сабака, леапардавы ганчак, марэма (марэмаанха-абруцкі пастуховы сабака), мальёрскі бульдог (тэра дэ мальёркін), маскоўская вартаўнічая, нямецкая аўчарка, нямецкі дог, аўчарка Даўфмана, рызеншнаўцэр, ратвейлер, румынская аўчарка, сярэднеазіяцкая аўчарка, супердог і яго мешанка з майконгам, тоса-іну (японскі байцоўскі сабака), філа бразільера, чорны тэр’ер, шарпей (кітайскі байцоўскі сабака), паўднёва-руская аўчарка.

Ад падатку вызваляюцца:

• Інваліды, якія валодаюць сабакам-павадыром;
• Інваліды I і II групы;
• Інваліды III групы - у дачыненні да аднаго сабакі;
• Людзі, якія дасягнулі пенсійнага веку або маюць права на пенсію па ўзросце са зніжэннем агульнаўстаноўленага пенсійнага веку, - у дачыненні да аднаго сабакі.

У 2017 годзе паведамлялася, што гэты падатак у маштабах усёй Беларусі прыносіў у мясцовыя бюджэты больш за паўмільёна долараў.