У Садружнасці Незалежных Дзяржаў запусцілі праект да 80-годдзя Перамогі ў Вялікай Айчыннай вайне. Населеным пунктам будуць прысвойваць званне «Горад працоўнай славы. 1941–1945 гг.».
Званне можа атрымаць горад, жыхары якога ўнеслі значны ўклад у дасягненне Перамогі ў Вялікай Айчыннай вайне 1941-1945 гадоў, забяспечыўшы бесперабойную вытворчасць ваеннай і грамадзянскай прадукцыі на прадпрыемствах, размешчаных на тэрыторыі горада, і праявіўшы пры гэтым масавы працоўны гераізм і самаахвярнасць.
У такім горадзе будзе ўстаноўлена спецыяльная стэла.
Няма сумненняў, што жыхары Оршы і Баранавіч унеслі значны ўклад у нашу агульную Перамогу – на фронце і ў партызанскім падполлі. Але лічыць, што гэтыя гарады падчас вайны працягвалі бесперабойную вытворчасць прадукцыі для Перамогі, выглядае трохі дзіўна. Орша знаходзілася пад нямецкай акупацыяй з 16 ліпеня 1941 года па 27 чэрвеня 1944-га, а Баранавічы – з 7 чэрвеня 1941 года па 8 ліпеня 1944-га.
