Белстат апублікаваў звесткі пра насельніцтва Беларусі на 1 студзеня 2025 года. Orsha.eu паглядзеў, пра што гавораць лічбы з Аршанскага раёна.
Як відаць з гэтай табліцы, жыхароў у Аршанскім раёне за год стала менш на 1500 чалавек, а з 2020 года — больш чым на 8000.
У Оршы насельніцтва скарацілася больш чым на 1000 чалавек і амаль на 6500 за 5 гадоў.
З 2020 года Барань стала меншай амаль на 70 чалавек, Балбасава - на 370, Копысь - на 100, а Арэхаўск - на 234 чалавекі.
Колькасць жыхароў Беларусі за 2024 год скарацілася амаль на 47 тысяч чалавек. У Віцебскай вобласці – мінус амаль 10 тысяч. Гэта даныя Белстата, але, хутчэй за ўсё, яны не ўлічваюць вялікую колькасць людзей, якія з’ехалі з нашай краіны.
