Юнацкая зборная Беларусі ў міні-футболе заняла апошняе месца ў кваліфікацыйнай групе і не прайшла ў фінальны турнір першынства Еўропы, які прыме Малдова. У заключным паядынку, пасля паразаў ад Партугаліі і Францыі, беларусы са смалянцам Кірылам Каросцікам у першым звяне, сустракаліся з камандай Казахстана.
Сцэнар паядынка быў надта падобны да сустрэчы з французамі ў папярэднім туры. Супернік загнаў два галы, а ўсё, на што хапіла беларусаў — гэта гол у самым канцы сустрэчы. За 15 секунд да канца Кузняцоў агадаў браму супараў, і лік стаў 1:2. Калі б той самы гулец вызначыўся на паўтары хвіліны раней з карнага, сцэнар мог быць іншым.
Параза 1:2, нуль пунктаў і апошняе месца ў табліцы. Беларусы вяртаюцца дамоў без пуцёўкі на турнір. Застаецца спадзявацца, што юныя гульцы, а ў ліку найлепшых па сваім узросце і Кірыл Каросцік, набраліся неабходнага досведу, які прыдасца ім у будучыні. Беларусы ў адборы загналі чатыры галы, адзін з іх на рахунку Кірыла.
