У гэтым сезоне беларус Дзмітрый Швядко, які паходзіць са Смалянаў, выступае ўжо за новую каманду — маскоўскі КПРФ. Так, гэта каманда, якую ў свой час заснавалі сябры Камуністычнай партыі Расейскай Федэрацыі.
У новай камандзе, якая ўжо шмат гадоў уваходзіць у спіс найлепшых у суседняй Расеі, Дзмітрый адзін з лідэраў. У 28 паядынках першынства Расеі ён загнаў 10 галоў і ўваходзіць у топ-50 стральцоў лігі. У КПРФ, праўда, ёсьць каму заганяць і без беларуса — гэта Чавэс Шымбінья, Янар Асадаў, Арцём Ніязаў. Але і ў такой кампаніі Швядко паспявае вызначацца галамі.
На гэты момант ягоная дружына з 67 пунктамі ідзе на 2-й пазіцыі ў чэмпіянаце, саступаючы толькі «Нарыльскаму нікелю» — прызнанаму лідэру апошніх гадоў. У самога Швядко пакуль не самая ўдалася серыя — ужо пяць паядынкаў ён ня можа паразіць браму супернікаў. Апошні свой гол смалянец правёў 25 снежня ў гульні супраць каманды «Сібірак».
