Традыцыйна Orsha.eu будзе адсочваць падзеі чэмпіянату Віцебскай вобласці па футболе. Гэта чацверты ўзровень беларускай футбольнай піраміды, а мы на ім асабліва глядзім за выступленнямі каманд з нашага рэгіёна. Аршаншчына і суседнія раёны. Сёлета нашу мясцовасць прадстаўляюць дубровенскі "Дняпро", талачынская "Ніва", аршанскі "Дарожнік-Мясакамбінат" і "Сянно".
У першым туры, частка матчаў якога адбылася ў суботу, "Мясакамбінат", які цяпер мае прыстаўку "Дарожнік" да сваёй назвы, выйграў важнае супрацьстаянне ў "Лепеля" — аднаго з лепшых клубаў вобласці апошніх сезонаў. Перамога аршанцаў 2:1, абодва мячы на рахунку Рамана Малафеева. Талачынская "Ніва" саступіла на выездзе віцебскаму "Газавіку" 1:4, адзіны гол у талачынцаў правёў Іван Іваноў. Дубровенскі "Дняпро", на жаль, перацярпеў буран у Гарадку, дзе саступіў мясцоваму "Дзецкасельскаму" 1:8. Адзіны мяч за каманду забіў Рыгор Смірноў.
