Вядомаму настаўніку і спартоўцу Васілю Дымкову з Копысі споўнілася 70 гадоў. Пра юбілей напісаў блог «Радыё Аршыца».
«У Копысі на Аршаншчыне жыве вялікі энтузіяст спорту, атлет, трэнэр, заўзятар, настаўнік, краязнаўца — Васіль Дымкоў! Сёньня, 3 сьнежня 2023 году яму спаўняецца 70 гадоў!» — напісаў блог.
Таксама там пералічылі дасягненні Дымкова ў ягонай дзейнасці:
«Ён адзін з тых людзей, якія стварае летапіс спорту на Аршаншчыне. І бадай ніхто ня ведае рэгіянальныя каманды і іх прадстаўнікоў лепей за Васіля Дымкова. Ён стварыў і апякуецца музэем спартовай гісторыі ў Копысі, які месьціцца пры мясцовай школе; дзякуючы яму захаваліся, палепшыліся і прынялі шэраг турніраў капышанскія стадыёны „Дняпро“ і „Школьнік“; намаганьнямі Дымкова ў гісторыі захаваліся шматлікія імёны і фота спартоўцаў, а таксама ўнікальная статыстыка разнастайных спаборніцтваў».
