Прынамсі, гэта вынікае з артыкулаў, якія сёння публікуюць некаторыя дзяржаўныя СМІ Віцебскай вобласці. Повадам для публікацыі стаў візіт намесніка старшыні аблвыканкаму Генадзя Сабыніча ў Аршанскі раён. Ён наведаў інстытут ільна ў Вусце. Але візіт туды выглядае дастаткова дзяжурным. Нічога важнага пра яго дзяржаўныя журналісты не пішуць.

Затое кароткім паведамленнем у тых жа артыкулах гаворыцца, што абласны чыноўнік таксама наведаў мясакамбінат. І вось гэта цікава.

Цікава тое, што напрыканцы мінулага года адзін з віцэпрэм'ераў краіны аб'ехаў мясакамбінаты Віцебскай вобласці і зрабіў выснову: для іх загрузкі не хапае мяса. На нейкіх камбінатах недахоп каля 30%, на нейкіх каля 50%. І каб вырашыць праблему загрузкі Аршанскага мясакамбінату чыноўнікі прапанавалі… Пабудаваць яшчэ адзін цэх па перапрацоўцы мяса. Здавалася б дзіўная (калі не глупая) ідэя: ва ўмовах недахопа сыравіны доя перапрацоўцы, павялічыць магутнасці па перапрацоўцы гэтай сыравіны.

Як выглядае з артыкулаў дзяржаўных СМІ, гэтая дзіўная ідэя пачала рэалізоўвацца. На Аршанскім мясакамбінаце ўжо выдзелілі пляцоўку для будаўніцтва новага кансервавага цэха, пачалі падрыхтоўчыя работы і, нават, вызначылі падрадчыка. Канешне, будаўніцтва новага цэха не зможа павялічыць колькасць мяса для Аршанскга мясакамбінату.