У Лёзне перастала працаваць паштовае аддзяленне №1, якое знаходзіцца ў мікрараёне за чыгуначным пераездам на вуліцы Добрамыслянскай. Прычына – не могуць знайсці адпаведнага кіраўніка.
Мясцовых жыхароў паштальён цяпер абслугоўвае на даму. А па пенсіі, дапамогі, грашовыя пераводы і іншыя паслугі трэба звяртацца ў іншыя аддзяленні паштовай сувязі.
У банку вакансій сапраўды ёсць аб’ява пра пошук начальніка аддзялення сувязі на пастаянную працу. Яму гатовы плаціць ад 770 да 870 рублёў. Пры гэтым прадугледжаны дадатковыя гарантыі: надбаўка за стаж ад трох месяцаў, матэрыяльная дапамога на аздараўленне пры прадастаўленні адпачынку і іншае.
Дастаткова мець сярэднюю спецыяльную адукацыю і досвед працы з таварамі і матэрыяльнымі каштоўнасцямі, а таксама навыкі працы ў сферы абслугоўвання не менш за 2 гады.
