Тры каністры з дызельным палівам знайшлі міліцыянеры на двары ў 52-гадовай жанчыны з Лёзненскага раёна. Гэта 60 літраў паліва! Усё яно было фарбаванае, а значыць - не з запраўкі, а "зэканомленае" нейкім работнікам сельскагаспадарчага прадпрыемства. Менавіта там паліва перад запраўкай тэхнікі падфарбоўваюць, каб потым было прасцей выяўляць крадзеж.
Жанчына пацвердзіла, што набыла дызель "з рук", у знаёмага, каб заправіць свой уласны трактар - хутка ж трэба садзіць гарод!
Хто гэты знаёмы і ці знайшла яго міліцыя — не паведамляецца, затое ў дачыненні да вяскоўкі склалі адміністрацыйны пратакол за незаконнае захоўванне паліва. Яе чакае штраф ад 420 да 2100 рублёў.
