Аршанскія камунальнікі пачынаюць штогадовыя рамонтныя і прафілактычныя работы на цепласетках, каб падрыхтаваць іх да ацяпляльнага сезона 2025-2026 года. З-за гэтага ў Оршы і Барані часова будуць адключаць гарачую ваду.
Першымі гэта адчуюць жыхары Барані - з 28 мая па 10 чэрвеня.
Потым аршанцы, што жывуць на «Усходзе» - з 11 па 24 чэрвеня.
Пасля іх без гарачай вады з 25 чэрвеня па 8 ліпеня застануцца жыхары мікрараёнаў «Цэнтр», «Астроўскага», «Свердлава», «Паўночны», прасцей кажучы - «Цэнтр», «Раніца», «Рамзавод».
З 16 па 29 ліпеня гэта закране людзей з Задняпроўскіх мікрараёнаў, мікрараёнаў льнокамбіната і мясакамбіната.
Апошнімі адключаць «Прывакзальны» і «Чаромушкі» - з 6 па 19 жніўня.
