Горацкі і Круглянскі раёны Магілёўскай вобласці сталі апошнімі ў нашым рэгіёне, дзе ўлады абмежавалі наведванне лясоў. Да гэтага пра падобныя меры было абвешчана ў Шклоўскім раёне, а таксама ў Аршанскім, Дубровенскім, Талачынскім, Сенненскім і Лёзненскім.
У гэтых раёнах – трэці клас пажарнай небяспекі. Людзям нельга знаходзіцца ў лясах, заязджаць туды на транспарце, а таксама забаронена праводзіць працы, не звязаныя з вядзеннем лясной гаспадаркі.
На інтэрактыўнай карце Мінлясгаса відаць, што Віцебская і Мінская вобласці цалкам сталі жоўтымі, адзін раён застаўся зялёным у Брэсцкай вобласці і два – у Мінскай. Больш за ўсё зялёных зон цяпер у Гомельскай і Магілёўскай абласцях.
