Самае трагічнае ў гэтай гісторыі, што за рулём аўтамабіля, які каля вёскі Стаўры ўрэзаўся ў дрэва, была маці загінулых сясцёр 14-ці і 17-ці гадоў.

Падзеі развіваліся наступным чынам. 14 снежня 2024 года сям'я вярталася ў Дуброўна пасля памінак памерлага бацькі.Разам з імі ехала і 16 - гадовая сяброўка сясцёр-машына была поўная. Каля 18: 25 на трасе Орша-горкі кіроўца Volkswagen Golf не справіўся з кіраваннем, аўтамабіль вылецеў у кювет і ўрэзаўся ў дрэва. Хуткую дапамогу і міліцыю выклікалі кіроўцы, якія праязджалі міма.

У выніку аварыі пацярпелі ўсе: дзве сястры загінулі, іх маці, брат і сяброўка апынуліся ў бальніцы з цяжкімі траўмамі.

Следчыя распачалі крымінальную справу паводле ч. 3 арт. 317 (парушэнне правілаў дарожнага руху асобай, якая кіруе транспартным сродкам, што пацягнула па неасцярожнасці смерць двух чалавек і прычыненне цяжкага цялеснага пашкоджання) Крымінальнага кодэкса Рэспублікі Беларусь.

Па першапачатковай версіі , за рулём Volkswagen Golf быў 21-гадовы брат загінулых. Але ў выніку следчых дзеянняў было ўстаноўлена, што аўтамабілем кіравала іх маці - 38-гадовая жыхаркі Дуброўна. Яна вяла машыну, бо сын ужыў спіртное падчас памінак.

Цяпер следчыя спрабуюць аднавіць карціну аварыі цалкам і просяць відавочцаў паведаміць усе дэталі здарэння па нумары +375 33 399 80 44 (кругласутачна).