Усё больш раёнаў Беларусі абмяжоўваюць наведванне лясоў. Гэта звязана з надвор'ем і магчымымі пажарамі. На сёння ўжо ўся Віцебская вобласць афарбаваная ў жоўты колер, але ў суседняй Магілёўскай – пакуль толькі Шклоўскі раён.
Там, паводле ацэнкі спецыялістаў, III клас пажаранебяспекі:
- Людзям нельга знаходзіцца ў лясах.
- Туды нельга заязджаць на транспарце. Выключэнне – транспарт юрыдычных асоб, якія займаюцца вядзеннем лясной гаспадаркі, а таксама кантрольных органаў і г.д.
- Нельга праводзіць работы, не звязаныя з вядзеннем лясной гаспадаркі.
Сітуацыя змяняецца штодня. Мінлясгас абнаўляе сваю інтэрактыўную карту штодня, а Orsha.eu адсочвае змены.
У МНС паведамілі, што за апошнія суткі ў Беларусі ліквідавалі 7 лясных пажараў і 103 пажары травы і кустарнікаў.
