У далёкім партугальскім Гандамары юнацкая (да 19 гадоў) зборная Беларусі выйдзе на пляцоўку супраць каманды Казахстану. Абаронца Кірыл Каросцік са Смалянаў гуляе ў асноўнай «чацвёрцы» беларусаў, у першай сустрэчы з Партугаліяй ён агадаў гол. На жаль, нашай зборнай гэта мала дапамагло, яна прагуляла 2:9.
У другой сустрэчы Каросцік не вызначыўся, але зборная Беларусі была блізкай, каб згуляць унічыю з Францыяй. Нашы землякі загналі гол у канцы сустрэчы і яшчэ мелі секунды, каб вызначыцца, але ўжо не здолелі — параза 1:2.
Заключная сустрэча з Казахстанам, а 14-й гадзіне беларускага часу мала што вырашае пры дзвюх папярэдніх паразах. У фінальны турнір, які адбудзецца ў верасні-кастрычніку ў Малдове, праходзіць толькі пераможца групы. Беларусы ўжо дакладна не будуць першымі. Але прынамсі набяруцца такога важнага ў гэтым узросце досведу.
Што тычыцца другога паядынку, дык мы маем на ўвазе першынство Беларусі. У ім «Вітэн» адпраўляецца ў Гомель на сустрэчу з «БЧ», сваім пастаянным прынцыповым супарам. Гульня пачнецца, а 13-й гадзіне беларускага часу. Пасля неспадзяванай паразы ад «Меркурыю» ў Берасці ад аршанскіх «энергетыкаў» чакаюць толькі перамогі над «чыгуначнікамі».
