У адной з гандлёвых арганізацый Аршанскага раёну жанчына, якая працавала бармэнам, сістэматычна прысабечвала таварныя і матэрыяльныя каштоўнасці, пры гэтым інфармацыю пра іх не ўносіла ў касу, як і аплату. У выніку арганізацыя пацярпела матэрыяльную шкоду ў 5300 рублёў (53 мільёны да дэнамінацыі). За гэта супраць жанчыны пачалі дзве крымінальныя справы па артыкулах "прысабечванне альбо растрата" і "службовая падробка".
Суд Оршы і Аршанскага раёна ўбачыў віну жанчыны ў здзейсненым і вынес абвінаваўчы вырак. Бармэн асуджана да абмежавання волі без накіравання ў выпраўленчую ўстанову адкрытага тыпу. Абмежаванне волі будзе трываць 2 гады 6 месяцаў, а таксама будзе дзейнічаць 3-гадовая забарона займаць любыя пасады, звязаныя з матэрыяльнай адказнасцю. У асуджанай канфіскавана маёмасць.
Нядаўна за падобнае злачынства была асуджана і прадавачка з крамы.
