Нагадаем, што учора раніцай - 29 лістапада - у вёсцы ляхаўка Дубровенскага раёна загарэўся будынак мясцовага дзіцячага садка (першапачаткова зводка МНС паведамляла, што будынак быў драўляным). Выхаванцы садку, а іх тут 6 дзяцей - у гэты час былі на шпацыры і таму ніхто не пацярпеў. Але сам будынак цяпер не прыдатны для знаходжання ў ім дзіцячай установы: вагнём цалкам знішчаны дах і столь, маёмасць, значна пашкоджаны сцены.
Найбольш верагодная прычына пажару - парушэнне правілаў эксплуатацыі печкі.
