Зводка абласнога УУС за 27-га красавіка паведамляе пра тры здарэнні ў раёнах Аршаншчыны. У Дубровенскім раёне ў перыяд з 19 па 25-е сакавіка невядомы скраў будаўнічыя матэр'ялы з гаража і дачнага ўчастка. Скрадзенымі аказаліся даволі вялікія рэчы, якія, проста так, у руках не панясеш: гаражныя брамы, шыфер і газасілікатныя блокі. Страты ацэненыя ў 288 рублёў.
У Талачынскім раёне ў ноч з 24-га на 25-е красавіка невядомы з незакрытага трактару, які належыць прыватнаму пражпрыемству скраў два акамулятары на суму 440 рублёў.
А ў ноч з 25-га на 26-е двое 22 гадовых маладзёнаў з машыны "Фольксваген-Транспарцёр" знялі калпакі, якія ацанілі ў 55 рублёў. Толькі ў апошнім выпадку падазраваныя былі выяўленыя.
