Амаль у кожнай другой зводцы МНС па Віцебскай вобласці паведамляецца пра надзвычайныя здарэнні ў Талачынскім раёне. Часцей да пажарных звярталіся толькі ў Віцебску з яго больш чым 300 тысячным насельніцтвам. Толькі за апошнія 8 дзён ратавальнікі Талачынскага раёна выязжалі на пажары 4 разы. Раніцай 20-га красавіка а 6-46 пажар адбыўся ў прыватным доме па вуліцы Новай у самім Талачыне. Пажарам была пашкоджана веранда, сцены, столь і маёмасць пражываючай тут жанчыны 1964 года нараджэння.
У ноч з 22-га на 23-е чысло загарэўся нежылы дом у вёсцы Лозы Талачынскага раёна. Дом моцна пацярпеў, вагнём цалкам знішчаны дах.
Амаль а 8-ай гадзіне вечара 24-га чысла ў Коханава загарэўся прыватны сарай. А днём 27-га пажар адбыўся ў вёсцы Лаўрэнаўка.
Пры гэтым, у большым па колькасці насельніцтва Аршанскім раёне за гэтыя ж 8 дзён быў зафіксаваны толькі адзін пажар - 22-га красавіка загарэлася лазня па 3-ім Магілёўскім завулку. Ва ўсіх пералічаных выпадках ніхто не пацярпеў і прычыны пажараў не высветленыя.
