За мінулыя суткі ў нашым рэгіёне адбыліся падзеі, у якіх прыходзіцца разбірацца міліцыі і іншым службам. Так, у Талачынскім раёне блізу вёскі Калюгі здарылася трагедыя на дарозе. У 6.20 жыхар Ганцавічаў на аўтамашыне "Вольва" наехаў на мужчыну без светлаадбівальнага адзення. Мужчына быў тэрмінова шпіталізаваны, але ўратаваць ягонае жыццё не ўдалося, роўна праз чатыры гадзіны ён памёр у бальніцы. Асоба мужчыны высвятляецца.
А ў Аршанскім раёне пенсіянерка 1937 года паведаміла пра крадзеж у яе трох бітонаў, металічнага баку, двух тазаў і рондаляў. Прычым крадзеж з незачыненай адрыны адбыўся ў перыяд з 29 чэрвеня па 9 верасня, але жанчына заявіла аб гэтым у міліцыю толькі цяпер. Матэрыяльная шкода складае 420 рублёў. Пачата крымінальная справа, злодзея шукаюць.
