Рэгіён, Здарэнні

Ён двойчы падаў на асфальт

17.10.2017 19:40

2496 праглядаў, 1 каментар

Аўтамабіль пераехаў мужчыну, які ляжаў на дарозе.

Дарожна-транспартнае здарэнне адбылося ўвечары 16-га кастрычніка на дарозе Орша - Шклоў. У вёсцы Ліпкі аўтамабіль "Фольксваген-Пасат" пераехаў мужчыну, які ляжаў на праезнай частцы. Аварыя адбылася ўжо ў цёмны час сутак. Мужчыну даставілі ў рэанімацыю. Вядома, што яму 39 гадоў. На момант наезду аўтамабіля мужчына быў п'яным, з-за таго, што не мог кантраляваць свае дзеянні, ён, верагодна, і апынуўся пад коламі машыны. Таксама высветлілася, што п'янага мужчыну незадоўга да ДТЗ бачыла жанчына, якая праходзіла міма. Яна дапамагла таму падняцца, аднак праз нейкі час п'яны грамадзянін упаў зноў, а неўзабаве апынуўся пад коламі "Фольксвагена".