Рэгіён, Здарэнні

Выкрылі вандалаў

03.11.2017 19:17

2309 праглядаў, 0 каментароў

У Сенненскім раёне знайшлі двух вандалаў, якія размалявалі прыпынак.

Два 9-класнікі адной са школ Сянна праявілі свае мастацкія здольнасці. Але не ў той час і не ў тым месцы. Узяўшы пэндзлі і фарбы з дому аднаго з іх, яны адправіліся на прыпынак грамадскага транспарту, які зусім нядаўна адрамантавалі. Хлопцы доўга не думалі і абмалявалі яе, падпісаўшы не заўсёды прыстойныя словы. На наступны дзень "абноўлены" прыпынак убачылі камунальнікі, якія звярнуліся ў міліцыю. Пошукі вандалаў ішлі нядоўга. Іх досыць хутка выкрылі і прыцягнулі да адказнасці. На момант здзяйснення злачынства абодва ўжо перасягнулі ўзрост у 14 гадоў, адпаведна перад артыкулам будуць адказваць яны самі,а не іх бацькі. Заведзена крымінальная справа па артыкуле "Хуліганства", акрамя таго, у суд пададзены зыск з патрабаваннем выплаціць матэрыяльную шкоду, якую яны прычынілі прыпынку сваімі дзеяннямі.