Са спасылкай на пракурора Дубровенскага раёна гэтую навіну паведамляе сайт газеты "СБ-Беларусь сегодня". Пажылая сямейная пара пражывала ў Оршы, але прыехала ў адну з вёсак Дубровенскага раёну на лецішча. Адпачынак праходзіў весела: спачатку супольнае ўжыванне алкаголю, потым сварка і мардабой. Муж у час сваркі некалькі разоў ударыў пажылую жонку па твары. У пэўны момант у сварку ўмяшаўся сын, які змог супыніць канфлікт і адправіць старых драчуноў спаць.
Але жанчына аказалася злапамятнай. Калі муж заснуў, яна ўзяла нож і пачала яго рэзаць: удары халоднай зброяй наносіліся па руках і галаве. Зноў дапамог сын, які спыніў нападніцу і выклікаў хуткую дапамогу, а ўжо дактары выклікалі праваахоўнікаў. Муж не захацеў пісаць заяву на жонку ды і нанесеныя траўмы былі ацэнены як лёгкія. Тым не меньш заведзена крымінальная справа, бо жанчына ўжо была судзімая раней за напад на свайго мужа - некалькі год таму яна нанесла яму цяжкія пашкоджанні лязом у жывот і тады яна атрымала пакаранне ў выглядзе выпраўленчых работаў. Цяпер за паўторнае злачынства ёй пагражае рэальны тэрмін.
