Аварыя адбылася каля 9 гадзін раніцы 24 жніўня на 557 км. аўтадарогі «Берасце-Менск-мяжа Расейскай Федэрацыі» паблізу в.Стар Аршанскага раёна. Са слоў відавочцаў, кіроўца 1976 года нараджэння, кіруючы аўтамашынай «Skoda Octavia», пры ажыццяўленні манеўру развароту не заняў адпаведную крайнюю пазіцыю на праезнай частцы дарогі, у выніку чаго адбылося сутыкненне з матацыклам «Honda», які рухаўся ў спадарожным кірунку. У выніку ДТЗ пацярпела 29-гадовая пасажырка матацыкла і з целавымі пашкоджаннямі была шпіталізавана ў АГБ ім.Сямашкі. Па факце ДТЗ праводзіцца праверка.

Дзяржаўтаінспекцыя нагадвае: перад пачаткам руху, перастраенне, паваротам налева ці направа, разваротам і прыпынкам кіроўца абавязаны падаваць сігнал светлавымі паказальнікамі павароту адпаведнага кірунку. У адпаведнасці з п. 63 ПДР перад разваротам, паваротам налева ці направа кіроўца абавязаны, не ствараючы перашкоды і небяспекі для руху іншых удзельнікаў дарожнага руху, заняць адпаведнае крайняе становішча на праезнай частцы дарогі, прызначанай для руху ў дадзеным кірунку, акрамя выпадкаў, калі паварот пры ўездзе на скрыжаванне і выездзе з яго здзяйсняецца ў тых месцах, дзе арганізавана кругавы рух, а таксама ў месцах, дзе кірунак руху па праезнай частцы дарогі (скрыжавання) вызначана дарожнымі знакамі і (альбо) гарызантальнай дарожнай разметкай.