Працягваецца інтэрнэт-галасаванне на сайце Аршанскага райвыканкама. Яно пакуль не сконылася, аднак ужо няма сумневаў у перамозе варыянту "беларуская мова" ў галасаванні. З 26 тысяч галасоў 76% аддадзеныя менавіта роднай мове беларусаў, толькі 22% прагаласавалі за расейскую і 1% за тое, каб прыпынкі абвячаліся на абедзьвюх мовах.
Нагадаем, раней беларуская мова з вялікай перавагай перамагла ў галасаванні на нашым сайце.
На дадзены момант Орша — адзіны горад Беларусі, дзе прыпынкі грамадскага транспарту аб'яўляюцца на расейскай мове,а не на беларускай. Акрамя таго, яны па-расейску і падпісваюцца, што рэдка можна сустрэць у іншых гарадах нашай краіны. Адсутнасць беларускай мовы ў аўтобусах выклікала справядлівае абурэнне аршанцаў. Нават людзі, якія штодня карыстаюцца расейскай мовай, кажуць, што нельга адмаўляцца ад сваёй адметнасці, наадварот, неабходна значна пашырыць сферу ўжытку беларускай мовы.
