"Сьледчы камітэт прадаставіў Беларускай федэрацыі футболу імёны гульцоў, якія апынуліся пад сьледзтвам у падазрэньні ў здачы матчаў. Толькі адзін гулец "Воршы" апынуўся ў гэтым ганебным сьпісе, і гэта — абаронца Аляксей Казлоў, які выступаў за нашу каманду ў сезоне-2018, правёў 12 матчаў і зарабіў 3 жоўтыя карткі. Устаноўлена, што гуляючы за "Воршу" і наваполацкі "Нафтан", Казлоў прымаў грашовыя сродкі за дапамогу ў забесьпячэньні патрэбнага выніку. Яму выстаўленыя афіцыйныя абвінавачаньні. Пакараньне чакаецца", — сообщает телеграм-канал "Аршыца ультрас".

Акрамя таго, пад сьледзтвам былі яшчэ трое экс-футбалістаў нашай каманды, але эпізоды, у якіх яны ўдзельнічалі, зьвязаныя ўжо зь іншымі клубамі. Брамнік Дзьмітры Харытонаў і абаронца Захар Волкаў былі вызваленыя ад крымінальнай адказнасбці за дзейнае раскаяньне і на падставе закону аб амністыі. Іх удзел у нячыстых матчах даказаны ў перыяд выступленьняў за "Нафтан". Пры гэтым Волкаў, які цяпер выступае за барысаўскі БАТЭ, не панёс ніякага пакараньня, а Харытонаў, які вяртаўся ў наш клуб у арэнду ў 2019-м, а сёлета павінен быў пачаць трэніравацца ў "Віцебску", аштрафаваны на 100 базавых велічыняў і дыскваліфікаваны на 1 год. Выступаў у Воршы і нападнік Аляксандар Пракапенка, супраць яго працягваецца сьледзтва, як і супраць Казлова. Эпізоды, якія разглядаюцца Сьледчым камітэтам, адносяцца ўжо да перыяду выступленьняў Пракапенкі за сьветлагорскі "Хімік". За нашу каманду Пракапенка гуляў да таго, у 2015-м, і ў 15 матчах забіў 2 мячы.