На пачатку траўня наш сайт выставіў інфармацыю са спасылкай на 34mag.net пра настаўніка фізічнай культуры з Лядоў, які праводзіць з дзецьмі заняткі не толькі на ўроках, але вучыць іх таксама праводзіць радыё, робіць з імі бумерангі і іншае. У матэрыяле было пазначана, што вёска Ляды знаходзіцца ў Дубровенскім раёне. У арыгінальным жа матэрыяле наогул адсутнічае ўдакладненне, дзе месціцца вёска. Як карэнны жыхар Аршаншчыны, супрацоўнік сайту цалкам лагічна вырашыў, што мова менавіта пра вядомыя ўсім аршанцам Ляды, тыя, пра якія гаворыцца ў вядомай на ўсю Беларусь, а асабліва на ўсходнюю яе частку прымаўцы "Дуброўна і Ляды — сталічныя гарады".
Але ж высветлілася, што вёска з такой назвай ёсць і ў Чэрвеньскім раёне. І менавіта пра той населены пункт і мясцовую школу вялася размова. Прыносім шчырыя прабачэнні за памылку. Матэрыял з кур'ёзам, адпаведна, быў зняты з сайту. Станоўчы момант у гісторыі таксама ёсць — дзякуючы гэтаму мы, а можа і не толькі мы, пашырылі свае веды геаграфіі роднай Беларусі.
