На гэты раз мясцовыя ўлады запытваюць у грамадства ці пакідаць мота-аўта трасу у рэчышчы Куцеенкі. У кулуарах выканкама гэтае пытанне падымалася ўжо некалькі мэраў назад. Яно зразумелае - наша знакамітая траса Куцеенка знаходзіцца побач з вялікім спальным раёнам. Магчыма якім-небудзь пенсіянерам шум некалькі разоў на год сапраўды перашкаджае.
З іншага боку, аршанская траса для мота-кроса лічыцца адной з лепшых ва Ўсходняй Еўропе, а спаборніцтвы пры харошым надвор'і збіраюць тысячы чалавек. Калі закрыць трасу зараз, то ці змогуць чыноўнікі потым адчыніць яе ў іншым месцы і зрабіць не горшай. Ці мы проста страцім адзін з самых выдовішчных відаў спорта...
Выказацца па гэтым пытанні можна асабіста ў аддзеле архітэктуры, або пазваніўшы туды па тэлефоне: 51-32-29
