Першапачаткова ініцыятыва стваралася, каб аднавіць спісы расстраляных. Але паралельна з работамі па пошуку ахвяраў сталінскіх рэпрэсіяў патраплялася шмат прозвішчаў супрацоўнікаў аршанскага НКУС. Не скласці асобны спіс катаў было б не правільна.
Канешне, поўны спіс нам пакуль не можа быць вядомы - зачыненыя архівы. Але і той спіс які ёсць цікавы і дае ўяўленне пра тое кім былі каты і як яны жылі. Справа ў тым, што амаль палова НКУСаўцаў якіх выявілі даследчыкі і самі былі расстраляныя. Па такіх жа фальшывых абвінавачаннях. Напрыклад камандзір дывізіёна НКУС на станцыі Орша Янушко Міхаіл Сямёнавіч 1895 года нараджэння быў расстраляны па абвінавачанні ў шпіянажы і расстраляны ў 43 гады. Некаторыя з іх сядзелі ў турмах па такіх жа абвінавачаннях, але выжылі.
Мы не будзем цалкам публікаваць спіс аршанскіх НКУСаўцаў, але вы яго можаце пачытаць самі на сайце ініцыятывы.
