Каля 9-й раніцы 11 чэрвеня ў Аршанскае РУУС паступіла паведамленьне аб п’яным кіроўцу за стырном аўтамабіля «Mitsubishi». Пазадарожнік быў заўважаны супрацоўнікамі аддзелу Дэпартаменту «Ахова». Да пагоні падключыліся супрацоўнікі ДАІ. Мужчына, не падпарадкоўваючыся патрабаванням аб спыненні, неаднаразова ствараў аварыйныя сітуацыі на дарозе.
Аўтамабіль быў спынены з выкарыстаннем табельнай зброі. За стырном знаходзіўся 32-гадовы жыхар Воршы.
Па выніках медагляду канцэнтрацыя пары этылавага спірту ў выдыханым паветры склала больш за 1.3 праміле. У адносінах затрыманага складзены адміністрацыйныя пратаколы, у тым ліку за кіраванне транспартным сродкам у стане ап’янення.
