Аб гэтым паведамілі ў прэс-службе БЧ, згадаўшы, што ў 2021 годзе пачалося масавае аснашчэнне цягнікоў рэгіянальных ліній эканом-класа мацаваннямі для правозу не менш як 4 веласіпедаў у неразабраным выглядзе. Сёння веламацаваннямі аснашчаны больш як 60 саставаў электра- і дызель-цягнікоў, або каля 40% ад усяго парку рухомага саставу рэгіянальных ліній эканом-класу.
Таксама правозіць неразабраныя ровары ў цягніках з ненумараванымі месцамі дазволена ў тамбурах галаўных вагонаў (па адным ровары на тамбур). Кошт правозу неразабранага ровара чыгуначным транспартам на сёння роўны кошту білета. Пры гэтым у суседняй Польшчы білет на ровар каштуе менш за кошт білету для чалавека.
У цягніках гарадскіх ліній і цягніках бізнес-класу (усяго 35 саставаў) першапачаткова былі запраектаваны і ўстаноўлены мацаванні для перавозкі не менш як 3 ровараў, або штангі, размешчаныя на пляцоўцы для буйнагабарытнай ручной паклажы.
